Сажайте деревья, а не журналистов

Гарадзенскія пляжы рыхтуюцца да купальнага сезону: фота

На афіцыйныя пляжы завезлі новы пясок, прыбралі смецце ды пафарбавалі лавы.

09.05.2016 Грамадства Аўтар: Алесь Кіркевіч Фота: Васіль Малчанаў

На гарадскіх пляжах, дзе купанне традыцыйна дазволенае, поўным ходам ідзе падрыхтоўка да пляжнага сезону. На пяску бачныя свежыя разводы ад вусеніцаў трактароў: сюды завозілі свежы пясок. Дзе-нідзе на лавах заўважныя лісточкі з подпісамі «пафарбавана», дзесьці камунальнікі валікамі фарбуюць «грыбкі» ды альтанкі.

Пляж каля ратавальнай станцыі

Пляж на Юбілейным возеры

Праехаўшыся па найбольш папулярных «легальных» пляжах – за бальніцай хуткай дапамогі па тым беразе Нёмана, каля ратавальнай станцыі за БІПам у самым цэнтры ды на возеры Юбілейным – мы не заўважылі аніякага смецця, якое традыцыйна можна заўважыць ужо пад канец лета. Больш за тое, на пляжы за бальніцай нават бярвенні ля вогнішча камунальнікі «апранулі» ў пластык.

Пляж каля бальніцы хуткай дапамогі

Па-ранейшаму «дзікімі» застаюцца пляжы ў Румлёва, на крэйдавых кар’ерах ды ў Пышках. Там купанне не дазволенае, камунальнікі не працуюць. Гарадскія ўлады тлумачаць такое становішча тым, што ў выпадку надзвычайных сітуацыяў у гэтыя куткі будзе цяжка пад’ехаць машынам хуткай дапамогі або МНС.


ІНШЫЯ НАВІНЫ РУБРЫКІ

Падзяліцца: 09.05.2016

Перадрук матэрыялаў магчымы пры абавязковай наяўнасці зваротнай і актыўнай гіперспасылкі.